Хэрлэн сумын УБ хот дахь Нутгийн зөвлөлийн тэргүүлэгч, Нано Интернэйшнл ХХК-ийн Ерөнхий захирал Н.Батбаатар Дэлхий дахинд дэгдээд байгаа Ковид-19 вирусээс урьдчилан сэргийлэх зорилгоор Хэрлэн сумын Онцгой комисст өөрийн ХХК-ийн оруулж ирдэг дэлхийн №1 бактерийн эсрэг Lifebuoy брэндийн хатуу саванг 2160 ш-ийг хандивлалаа.

Хэрлэн сумын Улаанбаатар хот дахь Нутгийн зөвлөлийн нарийн бичгийн дарга Г.Батзаяа, Хэрлэн сумын ИТХ-ын ажлын албаны хүсэлтээр ирүүлсэн энэхүү хандивыг сумын Онцгой комисст өнөөдөр сумын ИТХ-ын дарга Ч.Ганхуяг, ИТХ-ын ажлын албаны дарга З.Энхболд нар гардуулан өглөө.

Жич: Нано Интернэйшнл ХХК 2007 оноос эхлэн Монголын   ахуйн хэрэглээний зах зээлд  тэргүүлэгч компаниуд болох   английн алдарт GSK компани, японы KAO компанийн албан  ёсны дистрибютер болж, өндөр чанартай бүтээгдэхүүнүүдийг  Монголдоо нэвтрүүлж,  бизнесийн анхны алхмаа   тавьжээ. Өнөөдөр дэлхийн 10 гаруй улсын шилдэг  25 гаруй компаниудтай хамтран ажиллаж 650 гаруй нэр төрлийн  бүтээгдэхүүнүүдийг зах зээлд   нийлүүлэн ажиллаж дэлхийн хөгжлийг Монголдоо цогцлоох зорилготой ажиллаж байна. Та Нано интернэйшнл ХХК-ийн болон бүтээгдэхүүний талаарх дэлгэрэнгүй мэдээллийг http://www.nanointernational.mn/ хуудсаар зочлон авах боломжтой.